Бид 25 жилийн туршлагатай хамт олон .
AnyDesk татах
1999 оноос хойш манай компани нь мэдээллийн технологи, програм хангамж, POS систем, электрон кассын машин, дагалдах тоног төхөөрөмж болон бүх төрлийн кассын лент цаасны худалдаа, засвар үйлчилгээг өдийг хүртэл тогтвортой, амжилттай үйл ажиллагаа явуулж технологийн салбарт тэргүүлэгч байр сууриа хадгалсаар ирлээ. Түүнчлэн худалдаа, үйлчилгээний чиглэлээр нийт 18 төрлийн програм хангамжийн томоохон бүтээгдэхүүнүүдийг боловсруулж, хөгжүүлж, зах зээлд нийлүүлээд байгаа бөгөөд хэрэглэгчийн болон зах зээлийн хэрэгцээ шаардлагад нийцүүлэн, улам боловсронгуй болгож, дараагийн шинэ системүүдийг бий болгон ажиллаж байна. Бид Монгол улсын хэмжээнд 20 гаруй мянган харилцагчдад нийлүүлсэн бүтээгдэхүүнийхээ засвар үйлчилгээ, хөгжүүлэлт, урсгал материалын нийлүүлэлтийг тасралтгүй ханган ажиллаж байна.Тус компанийн инженер техникийн ажилтнууд АНУ, ХБНГУ, ОХУ, Тайвань, БНСУ-д сургалтад хамрагдан, тухайн чиглэлд 4-18 жил ажилласан арвин туршлагатай. Инженер техникийн ажилтнуудын 70 % нь мэргэшсэн болон зөвлөх инженерийн зэрэгтэй.
Бид 1999 оноос хойш Япон улсын FUJITSU, DIGI, Оросын холбооны улсын ОКА, МИКРО, Солонгос улсын Sam4S, BIXOLON, Хятад улсын GPrinter, HPRT, Superlead, Тайван улсын Cipherlab, Metrologic зэрэг дэлхийн шилдэг үйлдвэрлэгчдийн Монгол дахь албан ёсны борлуулагч болж кассын машин, баркод хэвлэгчтэй электрон жин, тасалбар хэвлэгч, баркод хэвлэгч, баркод уншигчуудыг Монгол улсын стандартад нийцүүлэн, монгол хэл дээр програмчилж, зах зээлд нийлүүлж ажилладаг.
Электромон трейдинг ХХК нь мэдээллийн технологи, сүлжээний аюулгүй байдал, тусгай зориулалтын төхөөрөмж, компьютер болон POS систем, электрон кассын машин болон бүх төрлийн кассын лент цаасны худалдаа, засвар үйлчилгээ, програм хангамжийн чиглэлээр байгуулагдав.
Анх удаа Монгол улсад ашиглагдах электрон кассын машин (ECR)-ын стандартыг боловсруулж батлуулав.
Fujitsu, ОХУ-ын Ока, Микро брендүүдийн электрон кассын машинуудыг Монголын зах зээлд нийлүүлж эхлэв.
Солонгос улсын Sam4S брендийн байнгын санах ой бүхий электрон кассын машин (ECR)-ыг Монгол улсын стандартад бүрэн нийцүүлэн албан ёсны эрхтэйгээр Монголын зах зээлд борлуулж эхэлсэн. Монгол улсын татварын албатай хамтран нэвтрүүлсэн уг ажил нь татварын орчиныг боловсронгуй болгоход үнэтэй хувь нэмэрээ оруулсан.
Тайваний Cipherlab брендийн баркод уншигчуудыг албан ёсны эрхтэйгээр худалдаалж эхлэв. Монголын үндэсний худалдаа, аж үйлдвэрийн танхимтай бараа бүтээгдэхүүний шилжилтийг хурдан, боловсронгуй болгох зорилгоор зураасан кодын хэрэглээг бий болгох, хэвшүүлэх чиглэлээр хамтран ажиллаж эхэллээ.
Япон улсын DIGI брендын баркод хэвлэгчтэй электрон жинг Стандарт, хэмжил зүйн газарт бүртгүүлж, баталгаажуулан албан ёсны эрхтэйгээр худалдаалж эхлэв.
НӨАТ-ийн шинэчилсэн хуулийн дагуу үйлдвэрлэл, үйлчилгээний бүхий л чиглэлд Монгол улсын хэмжээнд шинэчилсэн онлайн системээ нэвтрүүлэв.
Хятад улсын HPRT брендын тасалбар хэвлэгч, баркод хэвлэгчүүд болон Superlead брендын бүх төрлийн 1D, 2D баркод уншигчуудыг Монголын зах зээлд худалдаалж эхлэв.
Албан ёсны борлуулагчийн гэрчилгээнүүд:
